以我網購ASOS咁耐，全網7折應該是最高打折限度，二話不說將購物車內的東西買單💸
今次除了買衫褲鞋襪，我特別喜歡ASOS的家庭用品，款式多又靚。
點進圖片可到相關產品網頁
首先就是買了幾個緞面枕頭套，之前一直想入手SLIP的枕頭套，但一個要五六百蚊實在太貴，之後在ASOS見到這個KITSCH牌子的緞面枕套，個樣好似好舒服，又唔貴，所以買左2個顏色（白&粉），其中粉色我仲買左套裝，包括有枕套、眼罩同橡皮筋，建議買之前要量好自己枕頭的尺寸。
清洗時不要放進洗衣機，我是用洗手，搭配專用洗緞面的洗衣液，這樣才不會破壞枕套質地。
之後就買了一個蒸面機，網上評價很好，而且價錢不貴，樣子也好看，我非常注重皮膚清潔，每星期都會做一次深層毛孔清潔，特別鼻子有黑頭的更加要勤清潔，這個蒸面機是三腳插頭，澳門香港地區適用，有四種功能：暖毛巾、蒸氣、保濕及精油擴散。
我很常住飯店，特別宜家疫情期間，澳門各大酒店都在速銷，所以呢排放假就去住。住酒店我會帶很多一瓶瓶的化妝品和保護品，為了能快速收拾，我就買了這個MAKEUP BAG，將所有東西放哂入去，拉一拉就走得，超方便。
之後就去到衫的部份，因為宜家懷孕關係，所以買左幾件孕婦系列的衫，我上一胎的孕婦衫都係ASOS買，平平地渡過幾個月，款式又多又靚。
呢件我種草左好耐，係我喜歡的牌子RIVER ISLAND，產品個質地很好，呢件斜膊上衣很好看，衣袖是薄紗，袖口也做了RUFFLE，很值得入手。
然後買了兩套睡衣，第一套是緞面質地，無彈性，所以要買啱尺寸，質地涼感，開冷氣瞓就最啱。
第二套係咪有種DIOR圖案的感覺呢，買唔起DIOR的我就買下ASOS都不錯，這套睡衣有孕婦系列和平常款，有彈性，很喜歡它顏色清清地，春夏著都啱。
呢條裙面料厚實，沒有彈性，款式較隆重，我喜歡它肩的設計，很優雅，平時應該少D機會著，我諗到時百日宴或者任何飲宴著都啱。
呢條RIVER ISLAND的裙我好鐘意，淡粉色加上緞面質地，好舒服，宜家大肚著都啱，好有少奶奶的感覺😂
呢條碎花裙很少女，有彈性，但我著上身後覺得太花，所以自己再加多件粉紅色外套，即時順眼哂😍
最後一條係FRENCH CONNECTION的碎花裙，有彈性，非常顯瘦，面料舒服，返工或者去高級餐廳著都好適合。
希望大家鐘意我的分享💗
